fbpx

NAD лансира нов C 700 BluOS стриминг засилувач

Компактно и модерно решение со едноставно додавање на звучници, дизајнирано за стриминг ерата. Новата класична серија содржи моќно засилување HybridDigital UcD, 80 вати по канал и интегриран BluOS интерфејс.

PICKERING, ОНТАРИО, КАНАДА, 30 СЕПТЕМВРИ 2021 година — NAD Electronics, високо ценетиот производител на аудио/видео компоненти со високи перформанси, продолжува со своето проширување во категоријата „само додај звучници“ со воведувањето на C 700 BluOS Streaming Amplifier. C 700 ќе почне да се испорачува на глобално ниво кон крајот на октомври.

Сместен во компактен и модерен дизајн, C 700 е дизајниран според мислења на слушателите кои барааѕ бескомпромисно искуство на слушање со фокус на вредноста. Внатре во цврстото алуминиумско куќиште се наоѓа моќен HybridDigital UcD засилувач и интегриран BluOS мрежен стример. Користејќи ја интуитивната апликација BluOS, можноста за следење музика од дигитална библиотека или пренос од интернет радио и онлајн услуги како Spotify, Amazon Music HD, Tidal и Qobuz не може да биде полесна. C 700 нуди искуство слично на наградуваниот Masters Series M10 BluOS музички стриминг засилувач.

 

NAD C700 Streaming Amplifier

 

Компактен и Модерен дизајн

Благодарение на неговиот елегантен, минималистички дизајн и врвните материјали, C 700 ќе ги вклучи најпребирливите слушатели – звучно и визуелно. C 700 е сместен во цврсто алуминиумско куќиште, со мазна стаклена предна плоча и дисплеј во боја со висока дефиниција од 5″ што ги прикажува сликите од албумот, статусот на песната и системските поставки. Преку екранот во боја на C 700, приспособувањето на поставките на засилувачот е брзо и практично со дополнителна придобивка од можноста за учење команди од кој било претходно постоечки далечински управувач.

“C 700 создава исклучителна вредност за оние кои бараат модерен и лесен за користење самостоен музички систем“, коментира Cas Oostvogel, менаџер за производи на NAD. „Откако NAD го претстави легендарниот интегриран засилувач 3020 во 1978 година, брендот NAD е познат по вредност, перформанси и иновации. Со стриминг засилувачот C 700 BluOS, NAD целосно ја ажурираше таа традиција за ерата на стриминг.”

Моќно HybridDigital UcD засилување

Високо ефикасниот дизајн на UcD засилувачот е познат по ултра нискиот шум и изобличувањето низ целиот фреквентен опсег, без оглед на оптоварувањето на звучникот. Користејќи ја докажаната технологија на NAD HybridDigital UcD засилувачот, C 700 може да испорача 2×80 вати континуирана моќност и 2×120 вати моментална моќност, за репродукција на музика без напор..

 

NAD C700 Streaming Amplifier

Само Додади Звучници

C 700 има се што е потребно за репродукција на музика, само со додавање на звучници. Апликацијата BluOS создава интуитивен начин за избирање музика од десетици различни услуги за стриминг, интернет радио или за репродукција на музика складирана на надворешен диск поврзан на USB-портата на C 700.

Покрај излезите на звучниците од аудиофилска класа, C 700 има и излез за сабвуфер приклучок таму каде што е потребно. Практичните поставки за низок и high-pass crossover во апликацијата BluOS обезбедуваат беспрекорна комбинација помеѓу сабвуферот и главните звучници.

C 700 има два пара RCA аналогни влезови, како и коаксијални и оптички дигитални влезови, за поврзување на диск плеери, конзоли за игри, медиумски адаптери и други компоненти. Има и HDMI eARC приклучок за поврзување на HDTV со поддршка за HDMI ARC. Ова овозможува
поставката за јачина на звукот на C 700 да можр да се прилагодуваат и од далечинскиот управувач на телевизорот. Двонасочниот aptX HD Bluetooth обезбедува пригоден начин за слушање музика преку безжични слушалки и пренос на аудио од кој било паметен уред.

 

 

Главни карактеристики на стриминг засилувачот NAD C 700 BluOS

  • HybridDigital UcD Засилувач
  • Континуирана моќност: 80 вати по канал во 8/4 оми
  • Моментална моќност: 120 вати по канал
  • Информативниот екран во боја со висока дефиниција од 5″ ја прикажува сликата на албумот, напредокот на песната и системските поставки
  • Цврсто алуминиумско тело и стаклена предна плоча
  • Работи со интуитивната апликација BluOS Controller за Android, iOS, macOS и Windows
  • BluOS multi-room стриминг до 63 зони
  • High-resolution аудио до 24-bit/192Hz
  • MQA декодирање и рендеринг
  • Lossless и high-resolution стриминг од Amazon Music HD, Deezer, Idagio, Qobuz, и Tidal
  • Поддршка за Apple AirPlay 2, Spotify Connect, и Tidal Connect
  • Гласовна контрола преку Amazon Alexa, Apple Siri, и Google Assistant
  • Оптички и коаксијални дигитални влезови
  • HDMI eARC порта
  • Two-way aptX HD Bluetooth
  • 12V Trigger излез
Select your currency